Нарны цахилгаан үүсгүүрийг үндсэн 3 төрөлд хуваадаг. Үүнд:

1. Off Grid систем нь төвийн цахилгаан эрчим хүчний нэгдсэн сүлжээнээс гадуур буюу зөвхөн бие даан ажиллах боломжтой.
2. On Grid систем нь зөвхөн төвийн цахилгаан эрчим хүчний нэгдсэн сүлжээтэй зэрэгцээ ажилладаг систем юм. Энэ нь төвийн ЦЭХ-ний сүлжээ тасрах , гэмтэл гарсан үед нарнаас эрчим хүч үйлдвэрлэхээ зогсоодог.
3. Hybrid систем нь төвийн цахилгаан эрчим хүчний нэгдсэн сүлжээтэй зэрэгцээ ажилладаг бөгөөд ЦЭХ-ний сүлжээ тасрах , гэмтэл гарсан үед бие даан ажиллах чадвартай нарны цахилгаан үүсгүүрийн систем юм.

Бүс нутгийн цахилгаан эрчим хүчний хангамж, хүчин чадал, цахилгаан эрчим хүчний төрөл (Тогтмол эсвэл хувьсах)-өөс хамаарч дээрх гурван НЦҮ-ийн систем нь давуу болон сул тал, эдийн засгийн үр өгөөжийн хувьд өөр өөр үзүүлэлттэй байдаг. Тухайлбал:

• ЦЭХ-ний төвлөрсөн сүлжээгүй бүс нутаг, харилцаа холбооний дэд станцууд, алс хол хязгаарын бүс нутагт Off Grid систем нь Hybrid системээс өртөгийн хувьд илүү хямд, найдвартай шийдэл байх болно.
• ЦЭХ-ний хангамж найдвартай, тасралтгүй бүс нутагт On Grid НЦҮ-ийн систем нь өртөгийн хувьд илүү хямд мөн эрчим хүчний хэмнэлт үүсгэх гэх мэт давуу талтай байх боломжтой.
• ЦЭХ-ний хангамж тогтворгүй, эрчим хүчний тариф өндөр бүс нутагт хайбрид НЦҮ-ийн систем нь илүү найдвартай, энергийн урсгалыг ухаалгаар удирдах гэх мэт давуу талтай.

Тиймээс мэргэжлийн байгууллагад хандаж өөрийн хэрэгцээ шаардлагад тохирсон хүчин чадалтай систем суурилуулах нь эдийн засгийн үр өгөөжийг дээшлүүлж эрчим хүчний найдвартай байдлыг бий болгохын зэрэгцээ бүтээгдэхүүний чанар технологи, хүний эрүүл мэнд, аюулгүй байдлыг хангаж байдаг.Манай байгууллага нь НЦҮ-ийн системийг түлхүүр гардуулах нөхцөлтэйгөөр таны сонирхолд нийцүүлэн хүссэн загвараар хийж гүйцэтгэж байна.

Нарны цахилгаан үүсгүүр бол “утаагүй, нүүрстөрөгчгүй, цэвэр ногоон энерги“-ийн эх үүсвэрийн илэрхийлэл юм.